凱沙羅頓衝甲盡地一煲

猪拉多纳

恩高斯已奪冠點會同你搏

德乙今晚煞科，重頭戲必定係凱沙羅頓主場對恩高斯達特！凱沙羅頓現時排第4，比第2位嘅達斯泰特少1分，同第3位卡爾斯魯厄同分但得失球少4球，今仗必須盡炒對手，增加殺入前三嘅機會。恩高斯達特已穩奪冠軍及升班資格，今場唔會搏命，主勝穩陣，如果想提升回報吼埋讓球主勝都無妨。

（有線64及203台周日晚9時30分直播）
凱沙贏咗先有價講

先講講形勢，德乙冠亞軍直接升班，第3位需要踢附加賽爭奪餘下一個升班位置。凱沙羅頓毫無疑問比較被動，如果今仗未能全取3分，好大機會又要等多一季先至可以再衝甲。球隊今仗都唔使諗咁多，應會豁出去盡數。凱沙羅頓勝在活力十足，幾位90後新星表現醒神，菲臘賀夫曼、阿歷山大寧治及西蒙祖拿都擁有上乘射術，夠本錢踢進攻足球。

凱沙羅頓另一個有利因素係對手恩高斯達特已經攞咗冠軍及升班資格，球員心態上等收鑼，戰意肯定唔及主隊，甚至派副選上陣畀一班後備球員過下比賽癮都唔奇。事實上，恩高斯達特過去3次作客凱沙羅頓，都淨輸兩球或以上，何況依家進入「放假Mode」更難打破宿命，今場唔會阻住地球轉，一於揀凱沙羅頓主Ｗ同讓球主勝博雙贏。