焗攻求翻盤克雷塔羅大反擊

猪拉多纳

墨超季後賽4強次回合，首回合落後0比2嘅克雷塔羅回師主場鬥帕丘卡。克雷塔羅上仗作客輸波，更有後防主將奧蘇里奧領紅要停賽，今仗求翻盤要焗攻，隨時令後防出現更多空位畀帕丘卡有機可乘，出現大手交易唔奇，1.85倍大盤值得推介！

（周一早上10時開賽）
細哨扯火爆內訌風波

克雷塔羅首回合除輸波外，更出現疑似內訌鬧劇，事緣當奧蘇里奧領紅被逐後，球隊要補入一名後防球員填補空缺，所以換走朗拿甸奴。不過「細哨」明顯對教練呢個決定唔滿意，直接走返更衣室，下半場亦唔見「細哨」喺球場，當地傳媒爆料話佢嬲到走咗。

墨季後4強賽制係如雙方兩回合打和會先計作客入球，再分唔到勝負則由聯賽排名較高球隊晉級，即係話排第6嘅克雷塔羅今仗只要贏2比0就足夠淘汰排第7嘅帕丘卡。不過克雷塔羅今仗焗攻分分鐘令後防空虛，加上「細哨」事件對球隊軍心點都有影響，隨時入埋唔夠後面輸，轉捧大盤好過。