羅亞素回勇頂得住櫻花

猪拉多纳

日乙包尾大幡熊本羅亞素今日會喺主場迎戰大阪櫻花，羅亞素開季至今只係贏過兩場，但球隊前仗作客贏札幌岡薩多表現唔錯，有回勇迹像，今仗主場面對近4仗輸3場狀態麻麻嘅櫻花，相信可以有分落袋，捧羅亞素讓球主勝。

（周日下午3時開賽）

羅亞素開季表現唔錯，但自3月尾起到5月頭嘅9場聯賽，只取得3和6負劣績，令球隊淪落到包尾。羅亞素成績滑落主要同射手安達臣安達迪養傷有好大關係，好在另一射手齊藤和樹連續兩場取得入球表現甚弗，加上上仗停賽嘅後衞園田拓也可以復出，對羅亞素後防起到穩定軍心作用，今仗主場出擊有望頂住大阪櫻花嘅進襲。
櫻花態頹多傷兵

櫻花上周喺主場1比2不敵長崎成功丸，球隊近4仗輸3場表現認真麻麻，近日更有中場橋本英郎加入傷兵團，縱有後衞茂庭照幸已傷愈可候命，但球隊實力始終有所削弱。另外，德國前鋒卡卡奧由於唔獲續約將會離隊，雖然星級外援科蘭上仗重拾射門觸覺，攻入個人今季第10球，但球隊軍心不穩且傷兵滿營，今仗作客熊本難望全取3分，捧羅亞素讓球主勝。