小保加讓唔起阿度斯維

猪拉多纳

阿根廷班霸小保加近期麻煩多多，球迷喺自由盃襲擊河床球員，搞到被南美洲足協褫奪參賽資格不特止，加高、丹尼爾戴亞斯等主將又扭計加獎金，士氣好極有限，佢哋今輪即使主場出擊都信唔過，要讓波梗係撐對家阿度斯維「讓客」啦！
阿度斯維作客醒神

咪睇阿度斯維上輪主場淨吞三蛋，就以為呢隊波不堪一擊，查實佢哋今季作客表現唔錯，近兩場連續擊敗小阿根廷人同沙蘭迪兵工廠不特止，更試過爆冷砌低「二哥」貝格拉諾，今場喺中場核心莊拿芬加雲波監刑滿復出下，要頂住近況下滑嘅小保加，絕非天方夜譚！