一哥賓菲加葡聯盃決戰無迪手

猪拉多纳

葡聯盃決賽今晚喺科英布拉球場上演，賓菲加對馬里迪莫要捧1.57倍「讓球主勝」。上季賓菲加成為「3冠王」，重奪葡超最強招牌，大把贊助商排隊送錢畀佢哋使，為咗繼續掘金，梗係要打沉馬里迪莫省招牌啦！

（開賽時間：周六凌晨2:45）
馬里迪莫近9次交手8負

上季賓菲加喺歐霸盃決賽互射12碼不敵西維爾飲恨，但依然包辦葡超、葡萄牙盃同葡聯盃冠軍，而且以上3大錦標，佢哋都係捧盃次數最多。最近賓菲加獲邀取代波圖，參加暑假舉行嘅2015年國際冠軍盃，證明佢哋已重新奠定葡超最強地位，呢個時候唔可以甩拖。

仲有呀，最近阿聯酋航空同賓菲加簽咗3年波衫廣告贊助合約，雖然贊助費冇對外公布，但數目肯定唔會少，如果賓菲加喺葡聯盃決賽失威，點對得住贊助商呀？況且馬里迪莫嘅連續9場不敗走勢，已經喺收咧戰以1:4慘負賓菲加終止，近9次對賽又得1勝8負，唔值得冷敲。