美國1.88倍讓主劏魚腩

猪拉多纳

奇迹打入世青盃 緬甸唔夠班

世青盃今日開打，揭幕戰先喺朝早由東道主新西蘭U20對烏克蘭U20，下晝仲有幾場波上演。睇番今屆世青盃「腩中之腩」肯定非緬甸莫屬，該國整體足球水平連香港都不如，能夠打入決賽周全靠亞青盃有主場之利，去到更高層次舞台相信會現晒形，首戰受讓兩球都情願捧美國1.88倍「讓球主勝」。

（開賽時間：周六中午12:00）

先講幾個世青盃錦囊，首先喺足球世界入面，小朋友同大人係兩個唔同嘅範疇，世界盃來來去去都係幾隊惡晒，但U20就經常有冷門國家爆出，所以唔能夠以量度大國腳把尺放喺U20。另外，就係某啲國家傳統上特別重視青訓，好似巴西、阿根廷同葡萄牙永遠係人才輩出。最後就係要知道分組賽24隊有16隊可以出線，換句話講有好大失分空間。

緬甸能夠打入世青盃可謂一個奇迹，原因係佢哋喺亞洲都只屬二線，一年前亞青盃全靠分組賽抽好籤次名出線，8強再爆冷1:0贏阿聯酋先攞到世青盃資格。雖然唔能夠抹煞球員嘅努力，但如果冇主場之利加上抽籤嘅運氣，相信好難走得咁遠。

大部分東南亞球隊離開主場就威力大減，緬甸亦唔例外，睇番佢哋近期成績，3月友賽塞爾維亞U20，就曾經被大炒3:0同6:0，反映出佢哋嘅水平仲差好遠。早前緬甸拉隊去德國集訓，鬥第4級聯賽球隊BFC戴拿模都輸埋，信心隨時大受打擊。
美國早盤飛數勁

相反對手美國係青訓發展相當成熟嘅國家，外流球員多達11名，而且仲有唔少喺英超搵食。今次已經係美國第14次打入世青盃決賽周，經驗相當豐富，難怪外國莊家嘅亞洲盤已經由兩日前讓兩球急升到讓兩球半，飛數咁勁有買趁早啦！
樂比推介：美國U20（讓球主勝）