馬瑟韋爾平手唔揸「流」攤

猪拉多纳

蘇附 22:00 （日）17 馬瑟韋爾 Vs 格拉斯哥流浪

今晚蘇超留級附加賽上演次回合賽事，首回合主場輸1:3嘅格拉斯哥流浪客途再鬥馬瑟韋爾，想收復首回合失地重返蘇超可以話難過登天，焗攻隨時輸多鋪，平手盤都係撐2.05倍「主勝」。
格流未夠班焗攻蝕章

格拉斯哥流浪自從3年前因財政問題被罰降落蘇丙後，一直希望盡快殺番上蘇超。可惜家陣喺蘇冠搏緊命嘅佢哋暫時明顯仲未夠班，附加賽首回合主場對住火力唔強嘅馬瑟韋爾，都竟然喺20分鐘之內連失3球，咁嘅防線叫人點撐落手？何況上場破蛋功臣守將戴倫麥哥基今戰唔踢得，而且又有中場比堅尼馬拿、守將施巴斯坦科利缺陣，焗攻睇怕只會死得仲快。

相反馬瑟韋爾今仗大有死守本錢，但若然有機會雙殺「格流」呢隊昔日班霸，相信一班球員唔會介意威多鋪。射手史葛麥當奴、中場拿斯利重返大軍令人腳更見完整，一於博佢哋攞埋尾彩。