巴塞讓盤 質得太低！

猪拉多纳

歐洲主要聯賽球季來到尾聲，最矚目梗係今晚歐聯決賽祖記對巴塞喇，無論你係咪呢兩隊嘅粉絲，都冇理由錯過呢場大戰，而菠菜方面，「祖巴戰」亦掀起全城嘅投X氣氛，而且飛數一面倒支持巴塞。睇番早餐盤巴塞讓半一，當時上盤有八六水，之後大批散戶一窩蜂買「地上最強」，不斷落飛質低水位，搞到莊家焗住轉盤，改為巴塞讓一球有十足水，雖然巴塞照秤係高啲，但祖記有番咁上下實力先能夠殺入決賽，應屬勢均力敵，如今情況實在誇張。
睇定入貨都未遲

查實上屆決賽皇馬對馬體會，都有出現類似情況，皇馬讓平半由八二水，跌到得番六幾水，大有不勝無歸之勢，結果係點大家都知喇，「銀河艦隊」喺補時先有運追和，去到加時先贏波唔益上盤客，累到大戶欲哭無淚。今次輪到散戶將巴塞捧到上天，相反大戶可能係吸取咗上屆教訓，暫時未有任何動靜，照睇佢哋會視乎兩班波臨場踢成點，走地先出手都未遲，的確大戶近期手風唔多順，難免謹慎為上，況且祖記防線猶如銅牆鐵壁，唔會留畀巴塞太多反擊空間，肥叔建議臨場睇定先入貨。
大戶動向：肥叔縱橫足球菠菜界多年，先鋒地位誰可代替？更摸清各路大戶投X取向，市場動態盡掌握！