玻利維亞備戰超認真 冇高原幫手唔想做炮灰

猪拉多纳

一向畀人話離開高原主場即腳軟嘅玻利維亞，今屆美洲國家盃嘅備戰堅認真。據講大軍已抵達阿根廷門多薩，進行為期兩星期集訓，雖然部分球員如ＦＣ長春前鋒馬些路摩連奴同哥登堡中場史美貝治達蘭斯會延遲歸隊，但佢哋嚟緊會同熱門之一嘅阿根廷拍跳，備戰咁積極當然唔想喺智利變炮灰啦！

除此之外，玻利維亞足總喺智利嘅拉拿卡，預訂咗豪華酒店畀大軍落腳，佢哋揀中呢度除咗希望球員住得舒服，原因仲有練習場似足首戰比賽場地索薩利托球場，諗住熟習環境後，首場分組賽對墨西哥可以踢得更醒神。