森巴南韓大格鬥

猪拉多纳

瑪達掛帥「壯男」挑機

明早女子世界盃輪到E組勁旅巴西女足登場，首戰南韓女足，「森巴兵團」擁有5屆世界足球小姐瑪達助陣，加上姬絲蒂安妮、羅姍娜等名將，級數十足。南韓實力突飛猛進，包括有効力車路士嘅中場池笑然，以及「壯男前鋒」朴恩善，反擊力唔嘢小，一於捧入球大。

（周三早上7時開賽）

第4次出戰世盃嘅「巴西足球女王」瑪達其實只係29歲，正值當打時期，加上成名較早，已累積豐富大賽經驗，好有機會喺今屆率領「女森巴」一嘗冠軍滋味。除咗瑪達之外，前鋒姬絲蒂安妮亦極具質素，她81次為巴西披甲，轟入73球，入球效率超高。呢個「10+11」進攻組合，好難有對手抵擋得住。

南韓女足由兩位外流歐洲嘅前鋒池笑然及朴恩善孭飛下，成為一路異軍。24歲嘅池笑然上年加盟車仔女足，表現光芒四射，更當選英格蘭球員小姐，證明佢已進身世界一級女子球員行列。至於喺俄羅斯搵食嘅朴恩善擁有1米82身高，跑100米只需13.2秒，甚至令人懷疑佢係男人，要佢進行性別測試，最終都還佢清白。朴恩善身體質素超晒班，足以喺巴西身上入波。
法妞恰英女熟晒手

另外，F組英法大戰，法國女足由兩大勁旅巴黎聖日耳門及里昂球員組成，應屆女子歐聯亞軍聖日耳門佔7人，默契成最大優勢。佢哋近兩次對英格蘭女足都贏波，可繼續恰死英軍，捧主勝。

（中央5台周三凌晨1時直播）