奧城氣盛大起華盛頓聯

猪拉多纳

聽朝有場美職獨腳戲奧蘭多城主場鬥華盛頓聯隊，奧蘭多城近四場保持不敗，今場對住東岸榜首華盛頓聯隊有力一拚。雙方呢排入得又失得，阿King今場首選入球大！（周一早上7時開賽）

奧蘭多城擁有卡卡呢位星級球員，隨住球員愈夾愈熟，近四場錄得2勝2和更殺入東岸第4名，當中3場都入到兩球或以上。以奧城近期氣勢，對住後防有隱憂嘅華盛頓聯隊，要入球唔難。
大宮松鼠走勢強勁再追

華盛頓聯隊正選門將咸美特因傷上陣成疑，呢隊波本來防守已經唔算強，上場冇咗呢位鋼門，主場都倒輸畀FC多倫多，睇怕今場作客惟有以攻代守，大盤值博！

阿King另外講多兩場日乙畀大家參考，榜首嘅大宮松鼠作客櫪木SC，大宮松鼠3連勝之餘更係一球不失，客勝有1.8倍抵玩！至於「阿二」磐田山葉作客長崎成功丸，兩軍近兩次碰頭都開出細盤，加上長崎成功丸射手李勇宰被南韓國家隊徵召，攻力受削，今場一於追細！