中國女足死火蘭入波

猪拉多纳

女子世盃A組最後1輪賽事，中國女足聽朝對新西蘭女足最受注目，呢場波再追入球細最好。雖然中國女足頭兩場分組賽嘅拚搏表現贏盡好評，可惜前線火力實在太弱，破門乏力，撞到同樣守字行頭嘅新西蘭女足，玩細最穩陣。（中央5台周二早上7:30直播）
新西蘭連續5場交白卷

形勢上中國女足呢場打和都夠分出線，但如果佢哋拎唔到頭兩名，16強就要對德國女足或者日本女足，幾乎可以訂定機票走人，心態上今場肯定想贏，問題係昔日主力馬曉旭冇態落選，首席射手楊麗又因傷冇辦法隨隊，始終令人擔心中國姑娘攻唔入對手。

事實上，中國女足上場以1:0險勝荷蘭女足，只係由帶傷上陣嘅前鋒王麗思喺補時階段入波絕殺對手，要佢繼續做救世主，似乎唔多實際。更何況，新西蘭女足連續3屆奪得女子大洋洲國家盃冠軍，頭兩場分組賽只失1球，加埋佢哋連續5場冇波入，識守唔識攻，今場揀1.65倍細好正路。