好勇駿外地未輸過

不死鸟

馬會125周年對普羅馬迷來說似乎不相干，推出紀念馬票兼有$12,500,000足金抽獎，卻能喚起馬迷甚至不賭馬的市民留意，果然好計！齊歡唱同慶賀，明日第八場馬會125週年盃，如你手上獎券號碼是2號，那便要恭喜你咯！從任何角度去看，「齊歡唱」很大機會3出3捷，除非唔識轉彎啦！
是場有3匹新自購馬，先由霍利時馬房「好勇駿」講起，此馬在紐兩戰兩勝，均為左轉1200米，血統上與「海王子」同出一脈，媽媽曾勝1200米，同母兄姐有兩匹各取兩捷，性能均以短途為主，應最合一哩以下路程發展，初出不妨留意走勢。「生生不息」在紐只跑一場，贏1300米處女馬賽，能力證明唔多，父系Istidaad一生6捷於1800至2500米，估計性能與同父系兼同主?「億銘之寶」相近，中距離比短途合適，初出熱身居多。
「馬之王」響澳洲跑4場，於1100及1200米分別取得1冠2亞，落第一次為1400米，性能宜短不宜長，贏馬一役大勝6個馬位，不過也只是處女馬賽，雖然落地後適應得好，排13檔不似可構成威脅。