高士路歎「查」唔怕熱

猪拉多纳

高士路今晚會喺巴甲主場迎戰查比高恩斯，主勝值得繼續追，原因係高士路喺請到盧森保高回歸領軍後，已經連贏3場強勢反彈，呢3場波夾埋更加勁入7球，就算唔可以排出最強陣容應戰，喺地頭出戰照樣大把本錢開W，寧買當頭起大家識揀啦！

雖然高士路陣營有唔少傷兵，而且烏拉圭中場迪阿拉斯卡達，同智利守將烏真里奧文拿要為國效命征戰美洲國家盃，中場韋利安斯杜明高斯又要坐波監，幸好盧森保高接掌帥印後，簡直好似變魔術咁帶番起隊波，近3場先後砌低法林明高、明尼路同華斯高，相反客軍查比高恩斯連盃賽近7場得2勝5負，睇怕今鋪作客都好難阻止高士路嘅連勝走勢，1.52倍主勝咪嫌熱！