美國女足強爆哥倫比亞

猪拉多纳

喺加拿大舉行嘅女子世界盃16強聽朝戰雲密布，大熱門美國女足出戰哥倫比亞女足，首席「美」女雅歷絲摩根靚爆又好波，拍住老將雲芭芝火力全開，勢必摧殘哥倫比亞女足，就算讓球主客和要讓兩球，斯維照捧美國「讓球主勝」。（中央5台周二早上8時直播）

雅歷絲摩根之前因傷抖咗兩個月，頭兩場分組賽只係後備入替，直至上仗擊敗尼日利亞女足先打正選，表現逐漸上力，而佢嘅前線拍檔雲芭芝上仗成功開齋，呢位35歲射手為圓世盃冠軍夢，3月嗰陣不惜放棄聯賽，全心全意備戰世盃，而且雅歷絲摩根同佢特別夾，今仗雙劍合璧火力進一步提升。

哥倫比亞女足分組賽僅得1勝1和1負，表現一般，陣中欠缺球星，對上兩次對美國均慘吞3蛋，完全唔夠砌，況且美國過去6屆世盃至少攞到季軍，今場要讓兩球都冇有怕，強捧美國「讓球主勝」。
挪威英格蘭大駁火

較早時間開波嘅另一場16強，挪威女足對英格蘭女足，挪威前鋒希格貝芝腳風甚順，上仗對科特迪瓦女足省兩粒，絕對唔嘢小；另一邊廂「英女」分組賽最後兩場贏晒出線，士氣正盛，隨時與挪威大駁火，入球大有2.29倍非常值博。（中央5台周二清晨5時直播）