德國U21保王朝勢(口趙)小葡萄

猪拉多纳

U21歐國盃進入4強階段，今晚先有葡萄牙U21火併德國U21。「日耳曼小兵」志切稱霸歐洲，以安利簡恩為首嘅陣容可謂精銳盡出，可擊退「小葡萄」進身決賽，「晉級隊伍」不妨捧德國。（周日凌晨零時開賽）

德國非常重視今屆U21歐國盃，派出利物浦中場安利簡恩、巴塞門將達史特根同賀芬咸前鋒禾蘭等新星壓陣，明顯比同級球隊高一班。已有兩球進帳嘅隊長禾蘭賽前接受訪問時表示，對入4強攞到下年奧運入場券唔算好興奮，因大家都以稱霸U21歐國盃為目標，保持高度警惕非常抵讚。
葡萄牙火力疲弱

葡萄牙雖有Sharp醒中場貝拿度施華助陣，但上仗「小葡萄」同瑞典疑似打默契波逼走意大利雙雙出線，斯維認為呢啲陰濕球隊會「奸有奸輸」；睇番「小葡萄」分組賽只入得兩粒，為4強中士哥最少球隊，火力疲弱。德國小將為延續日耳曼王朝，掃走葡萄牙躋身決賽唔難，「晉級隊伍」德國有1.6倍值捧。