伐木者「讓主」勝在好分

猪拉多纳

地震首席射手缺陣

美洲金盃禮拜三朝早開戰，聖荷西地震梗係牙痛咁聲啦，事關鎮隊之寶雲度路斯基要為美國國家隊披甲，堂堂首席射手缺陣，聽朝造訪波特蘭伐木者想還手都難，隨時輸大大鑊，2.45倍「讓球主勝」博得過。（開賽時間：周一早上11:00）
伐木者近4戰主場贏晒

雲度路斯基過去5季都係地震嘅首席射手，今季亦已經有9球進帳，霎時間冇咗佢衝鋒陷陣都咪話唔大劑。再講，地震另一件鋒將哥迪爾卡圖亦要出戰金盃，中場辛拿尼亞斯就要坐波監，地震個陣都咪話唔殘。

伐木者最近4場美職主場賽事贏晒，最重要係星級指揮官華拿里已經傷愈，好似中場韋爾莊臣同達寧頓拿比等主將，都冇喺上周中輸畀皇家鹽湖城場美聯盃落場，教練樸達擺明留力今戰砌地震。睇埋往績，伐木者過往6次喺美職主場迎戰地震，錄得3勝3和不敗戰績，以佢哋近3場美職主場勁入8球嘅走勢嚟睇，相信地震都難逃大敗嘞！