美國鬥心拖累捱細界

猪拉多纳

美洲金盃A組第二輪，東道主美國迎戰海地；美國首仗雖然旗開得勝，但攻力甚為疲弱，贏得欠缺說服力，加上已有三分在手唔急於爭勝，切勿高估。海地自知實力唔及對手，應會主守博攞一分，即使輸波估計都唔會大敗。美國主W賠率乏味，讓球主勝風險亦高，Mic少寧願揀選入球細。（周六早上8時30分開賽，馬會網上文字直播）

美國上場靠老將丹普西梅開二度以2比1擊敗洪都拉斯，睇番該場比賽，捧盃熱門美國表現毫無霸氣，全場只有五次射門，比級數低一班嘅洪都拉斯仲要少四次，花旗兵勝在經驗及埋門把握力較好，先至可以險勝。由於美洲金盃只有三組，每組首次名以及兩支最佳第三名可以晉級八強，因此美國有三分在手已經好大機會出線，球員根本唔需要搏得太盡，留待淘汰賽再搏殺都未遲，今仗冇必要大炒海地。
洪都拉斯巴拿馬大駁火

海地擁有法甲蘭斯門將柏拉斯迪把關，亦有昂熱後衞皮爾鎮守防線，上仗處於劣勢下成功逼和巴拿馬1比1，足見韌力十足。面對實力更強大嘅美國，海地睇嚟一樣只能死守，如果攞到一分已經達標，應會「泊大巴」守住防線，美國要入波並唔容易。

同組另一仗洪都拉斯對巴拿馬，兩隊首仗都失分，為爭出線肯定力爭勝出今場「六分波」。雙方兩年前世界盃外圍賽交手曾打和2比2，今仗一於再追大盤。（周六早上6時開賽，馬會網上文字直播）