威利嘉實力勝一籌

不死鸟

明晚夜戰由二、三、四班擔綱，新馬也特別多，當中有一對本季進口自購馬，第五場「鑽飾彩虹」隸屬文家良馬房，響澳洲鄉鎮馬場一戰即勝，路程為左轉1200米，但所贏?對手大部份仍屬處女馬，能力證明唔多，血統出自新種Hold That Tiger，兩歲跑5場取得3捷，在法國勝出一場1400米一級賽，之後運往原產地美國，曾於兩場一級賽入位，04年起在美國及澳洲配種，應為早熟系列，子嗣草泥皆宜。
第六場賀賢馬房「俊威威」來自愛爾蘭，與「威威福星」、「源活海」同父系，谷草應合適，但外地贏1600米，性能似「威威福星」非短途馬，初出1200米熱身性質。同場「威利嘉」是最新一匹東?團體馬，栗色靚樣人見人愛，在澳洲跑7場得3勝3位，最佳路程為1200米，當中兩度不敵「第一指令」（First Command），後駒響上月尾?維省打�先粘鰻幧忱砑五\標二級賽，大熱只跑第五，但查實兩周前已勝出考菲爾德短途錦標，同屬二級賽，如此看來「威利嘉」來港評78分肯定大把世界，省過一場後輕身上力，過江遇平凡對手，隨時一網打盡。