美國細（口趙）古巴

猪拉多纳

兩國friend番畀啲面

美洲金盃8強明晨展開，東道主美國打頭陣迎戰古巴！牌面上美國人腳實力遠勝古巴，但兩國近期積極改善政治關係，令今仗充滿「和平氣氛」，加上美軍今屆煲慣「魚生粥」，往往贏一球就夠數，讓球主勝風險極高，中位數3.5球揀入球細更划算。（周日清晨5時開賽、馬會網上文字直播）

捧盃大熱美國雖然有主場之利，但踢得相當保守，3場分組賽取得2勝1和，但兩場勝仗都係小勝一球，而且對手只係洪都拉斯、海地之流，呢支美國隊攻力，表面上係「唔合格」。不過，從另一個角度睇，美洲金盃之中，能夠真正威脅到美國，只有墨西哥，遇上其他對手時，難免會有所輕敵，因而出現Hea踢情況。預料美國今仗可控制大局，只要取得領先，古巴難以翻身，屆時美國又可以歎慢板。

古巴以全本土球員出戰，質素同美國有明顯距離，但佢哋都有「美國夢」，想去美職或者美甲落班，改善生活，早前甚至傳出有球員「逃亡」，要留喺美國。不過做「黑工」並非上策，最好都係比賽時交出表現，博當地球會簽佢哋，今仗或成為古巴球員改變命運嘅機會，只要唔大敗，已可獲得掌聲。
海地牙買加煲魚生粥

另一場8強，海地對牙買加，論級數牙買加勝一籌，陣中有多位球員喺英格蘭搵食，包括英超水晶宮後衞馬里亞柏、李斯特城守將韋斯摩根。不過進攻人腳較弱，近兩仗都係小勝1比0，同樣細盤較可取。（周日早上8時開賽、馬會網上文字直播）