羅沙里奧中央主Ｗ值捧場

猪拉多纳

阿根廷甲組聯賽今季有唔少回流球星，除咗大家熟悉嘅泰維斯及沙維奧拿之外，馬高魯賓亦值得留意，呢位前維拉利爾射手由墨超堤格雷斯加盟羅沙里奧中央後，表現翻生，已經轟入11球成為阿甲射手榜一哥。羅沙里奧中央今仗主場對下游球隊沙士菲，相信又係馬高魯賓表演時間，簡單捧主勝。

（周一清晨5時15分開賽）
馬高魯賓入波效率高

28歲嘅馬高魯賓曾經効力維拉利爾、基輔戴拿模、伊維恩等歐洲球隊，但近年表現麻麻，直至今季返回母會羅沙里奧中央，終於獲得重生，16場聯賽入咗11球，效率非常高。有呢位「重生戰士」在陣，羅沙里奧中央成績大躍進，由上季下游分子變身為爭標球隊。只要有馬高魯賓在陣，羅沙里奧中央就值得捧場。

老牌球隊沙士菲雖然早前爆冷贏小保加，但之後連續兩場失分，證明只屬曇花一現不能盡信。佢哋今季7場作客只有1勝2和4負，睇見都唔開胃，捧對家為妙。