千里達巴拿馬炮製入球騷

猪拉多纳

另一場美洲金盃8強，千里達對巴拿馬，千里達亦係1支踢法悅目嘅球隊，名氣最大嘅射手堅韋尼鍾斯上仗入波兼擺烏龍，就夠晒經典，今仗隨時又有「壯舉」。巴拿馬身為上屆亞軍，分組賽更打和美國，有一定反擊力，最好捧入球大。（周一凌晨4時30分開賽，馬會網上文字直播）

千里達今屆3戰入咗9球，而且分別由7位球員取得，人人都有破門能力，令對手防不勝防。効力卡迪夫城嘅堅韋尼鍾斯大賽經驗豐富，有佢喺鋒線領軍，相信可以佔得上風，入波機會樂觀。千里達上仗對強隊墨西哥，都願意豁出去同對手駁火，補時逼和4比4，取得小組首名出線，鬥心非常強。今仗對巴拿馬，更加可以放膽主攻求勝。

巴拿馬分組賽3戰都和波，但要留意3場都係佢哋先開紀錄，贏唔到只因防線弱，恐怕短時間內，難以改善呢個問題。不過巴拿馬往績上食住千里達，近4次交鋒，巴拿馬贏咗3次，所以即使今屆表現唔及對手，唔排除巴拿馬今仗可能突然發威，最起碼應該有波入。