美國搶季軍氹鄉親

猪拉多纳

美洲金盃聽朝上演季軍戰，由東道主美國迎戰巴拿馬。美國4強輸畀牙買加令全國人民失望，今仗自然希望贏波作補償。巴拿馬上場踢到加時先輸畀墨西哥，士氣受打擊，美國有望以大勝嚟氹番球迷，阿謙捧讓球主勝及大盤。

（周日凌晨4時開賽，馬會網上文字直播）
祖漢臣要報答奇哥

美國上仗不敵牙買加，球隊上下都失望而回，前線主力好似丹普西同艾朗祖漢臣冇波入，只能靠中場米高巴特利破蛋。不過主帥奇連士文對艾朗祖漢臣充滿信心，指佢係球隊未來支柱，今仗會繼續派佢上陣，艾朗祖漢臣受器重自然會搏盡，務求做齣好戲報答「奇哥」知遇之恩。美國雖然無緣踢決賽，但一眾球員都想入多啲波喺班鄉親面前謝幕。

巴拿馬上仗對墨西哥開賽冇耐已有前鋒迪查達領紅牌被逐，但仍能先開紀錄，只因賽事末段及加時連輸兩個12碼先將決賽席位拱手相讓畀對手，但咁樣輸法班球員士氣點都會受損，今仗更有前鋒迪查達停賽，巴拿馬眾將洩氣，美國大炒可期，吼讓球主勝及大盤博雙贏。