PSG撻着上盤明益「里」

猪拉多纳

法冠盃今晚喺加拿大上演，由法甲及法總盟主巴黎聖日耳門火併聯賽亞軍里昂。表面睇今戰係中立場，但聖日耳門喺美加集訓近半個月，無論適應時差抑或氣候都遠勝里昂，今場讓半一好易食，撐硬1.8倍上盤！（開賽時間：周日凌晨3:00）

PSG喺上月中飛咗過美加備戰國際冠軍盃，相比留喺歐洲備戰嘅里昂，唔使擔心時差同氣候適應問題之餘，最重要係呢支法甲豪門上晒力，連同熱身賽同國冠盃，5戰取得4勝1負，伊巴謙同桑奧古斯丁夾埋入8球，有呢對射手孭飛，要締造法冠盃3連霸話咁易啦。
里昂熱身賽輸到懵

對面里昂季前備戰甩轆，除咗主場險勝AC，其餘作客鬥錫永、燕豪芬、阿仙奴同維拉利爾全部吞蛋輸波，上季法甲神射手拿卡錫迪，疑受傳佢過檔阿仙奴嘅消息影響，落場冇晒蹤影，點撐得過呀！