北韓「內戰」醒神追多鋪

猪拉多纳

女子東亞錦標賽今日煞科，南韓女足喺武漢對北韓女足，受讓半一都博唔過。雖然南韓連贏2場，但佢哋近4次進行「南北韓內戰」全敗，何況「太極老虎乸」始終有兩大射手朴恩善同池笑然缺陣，火力大幅度下降，唔似破到宿命。 （now633台周六下午5:10直播）

南韓女足連環擊敗中國女足同日本女足，過程都好險，就算隊長趙昭賢上場復出領軍，即刻以遠射建功都信唔過。相反北韓女足連贏2場，感覺清脆得多，佢哋以亞運冠軍班底出戰，射手羅恩心同中場李藝京都在陣，連續4次對賽贏波肯定唔希望失威。