鯨魚受讓有蠱惑轉吼半和

猪拉多纳

另一場日職直播名古屋鯨魚主場對橫濱水手，排第二嘅鯨魚對上四場聯賽不敗，包括於主場擊敗強隊浦和紅鑽及大阪飛腳，今次再於自己地頭出擊對住次階段未贏過嘅橫濱水手竟然受讓，盤口充滿蠱惑味道，建議轉玩半場和。（有線64台周三晚6時直播）

鯨魚對上四場聯賽三勝一和入咗十球，狀態之弗僅次廣島三箭，加上一對箭頭永井謙佑和川又堅碁踢完東亞賽已歸隊，主場對住五戰不勝、現排尾二嘅橫濱水手，無論點睇主隊都秤先啲，偏偏今場讓球盤竟然只開平手，讓球主客和鯨魚仲要係受讓一方，正所謂「邊有咁大隻蛤乸隨街跳」，捧鯨魚隨時會被跣一鑊，但水手近況太差實在捧唔落手，不妨諗吓其他投X項目。
水手態沉先求穩守

鯨魚兩大歸隊主力永井謙佑和川又堅碁三，日前先為日本喺東亞賽最後一輪分組賽正選上陣鬥中國，未必回到氣。鯨魚除咗上場以3比0清脆擊敗山形山神，其餘四場次階段聯賽都係先失波，表現較慢熱。水手自知狀態不如人，作客亦會先穩守，預計半場交收唔會多，一於捧2倍半場和。