（六）15 修咸頓 vs 愛華頓 雙「頓」交鋒撐聖人W

猪拉多纳

今晚英超早場由修咸頓喺主場對愛華頓，兩軍喺聯賽首戰都係和波，今仗兩軍雖然都有唔少傷兵踢唔到，但呢個情況對愛華頓嘅影響較大，今晚作客鬥「聖人」相信好難惡得出樣，捧主隊贏波。（now 621周六晚7時45分直播）

修咸頓上仗作客對紐卡素，球隊喺先開紀錄下雖一度被對手反超前，但最終仍能搶到1分，表現已有所交代。「聖人」近期雖受到傷兵問題困擾，但球隊兵源充裕加上喺歐霸盃已經踢起狀態，縱然下周中要踢歐霸盃附加賽，但主場出擊相信有望贏波振聲威。

愛華頓首仗主場只能同升班馬屈福特打成平手，對「拖肥糖」球迷嚟講係有啲失望，而且球隊仲收到壞消息，就係早前操練整親足踝嘅左閘巴尼斯，前晚做完手術根治傷勢，至少要抖12至14個禮拜，即係話最快要11月先可以復出，對球隊防線影響甚大。除巴尼斯外，「拖肥糖」仲有希拔、艾登麥基迪、派拿、吉遜唔踢得，兵源有限下作客好難惡得出樣，今仗都係捧主隊修咸頓。