鹿島鹿角狀泰夠晒弗

猪拉多纳

日職今日黃昏有場鹿島鹿角主場對仙台維加泰嘅賽事，鹿角換咗新帥後已連贏3場，上場連榜首嘅廣島三箭都砌低埋，球隊士氣如虹下，面對踢咗6場聯賽只有1場冇失波嘅維加泰，相信又係「開餐」時候。阿King睇好主場嘅鹿角可以輕取對手，1.52倍主W屬過關重心，進取嘅可以捧埋2.57倍嘅讓球主勝。（有線64及203台周日晚6時直播）

鹿角射手達維最近重返正選陣容，有望頂替另一長期養傷嘅射手甸尼爾。鹿角中場柴崎岳已替國家隊完成東亞錦標賽賽事，歸隊後可令鹿角排出上季嘅最強陣容出戰。鹿角早前解僱教練施里蘇嘅決定令唔少人非議，但接手領軍嘅石井正忠喺1999年已加入球隊教練團，而佢領軍嘅3場聯賽都贏晒，似乎得到大部分球員嘅支持，相信可以幫球隊攞到好成績。

維加泰近期嘅失球數字頗高，開咧嘅6場聯賽只有1場冇失波，加上後衞渡部博文有傷唔出得，而射手威爾遜洛迪古斯未有確實復出日期，今仗面對攻擊火力甚強嘅鹿角，恐怕難以保住清白之身離場，主Ｗ及讓球主勝皆值得支持。
飛腳上盤穩 勝利船旺大

另一場直播波係神戶勝利船主場對川崎前鋒，勝利船主場戰績麻麻，近期入得又失得，面對倒戈出戰嘅前鋒射手大久保嘉人，隨時又會出現大手交易，捧大盤。（有線61及201台周日下午5時直播）至於ＦＣ東京近期出現傷兵潮，陣中多達7位球員有傷唔知踢唔踢得，今仗喺主場面對有中場遠藤保仁回勇嘅大阪飛腳相信難言惡，飛腳小讓平半捧上盤。（周日下午5時開賽）