博中央陸軍4.15倍W

猪拉多纳

英雄回歸做大「士」

歐聯附加賽首回合大把好戲碼，今晚士砵亭主場迎戰莫斯科中央陸軍，正正係2005年歐洲足協盃決賽嘅翻版，當年中央陸軍順利捧盃，今次碰頭中央陸軍仍然值得睇好，佢哋啱啱喺「莫斯科打吡」贏波士氣大振，最近仲獲強力前鋒杜姆比亞回巢，今場無論狀態同實力都有優勢，4.15客勝值得冷吼！（有線62及202周三凌晨2:45直播）
士砵亭2猛將離隊

呢兩隊波上屆同樣喺歐聯分組賽出局，今屆當然希望捲土重來，不過士砵亭向來都畀人「陪跑」嘅感覺，踢葡超唔夠波圖同賓菲加鍊，喺歐洲亦冇乜成績，近年最叻仔就係05年殺入歐洲足協盃決賽，點知最終以1:3不敵莫斯科中央陸軍。士砵亭今夏有翼鋒拿尼及後防薛迪索拉斯離隊，實力比上季更弱，要再戰歐聯分組賽有啲難度。

中央陸軍上星期向羅馬借用射手杜姆比亞，呢位昔日英雄離隊半年後回歸，佢之前喺中央陸軍効力4年幾，95場入61球，唔使點適應就可以再次融入陣中。唔好忘記俄超7月中已開咧，中央陸軍亦5戰全勝排榜首，相反葡超啱啱先開鑼，士砵亭又點夠上晒力嘅中央陸軍砌呀？