哥倫布機員紐約城Goal手過招

猪拉多纳

美職常規賽已經嚟到尾段，大約剩番十輪賽事，雷聲大、雨點小嘅紐約城現以27分排喺東岸第8位，同第6位嘅蒙特利爾衝擊只係爭1分，仲有機會殺入季後賽，今場紐約城作客哥倫布機員，為搶分睇怕都會繼續有前冇後嘅踢法，咁啱機員嗰邊都有位火熱射手基卡馬拉，雙方有望合演入球騷，今場大盤冇走雞！（TVB 301周四早上7時30分直播）

坐擁林柏特、派路同韋拿3大猛將嘅紐約城至今都係踢唔出好成績，表現飄忽，主要都係因為呢隊波識攻唔識守，近4場一共入咗10球，但同時亦失咗9球，當中韋拿近4仗入4球。而哥倫布機員亦係火力強橫，踢咗24場聯賽入咗38球，同紐約紅牛並列東岸入球最多球隊，皆因陣中擁有基卡馬拉呢位塞拉利昂前鋒，阿「基哥」雖然都已經31歲，但戰鬥力仍然強勁，其中近5場更係入5球，今場一於博大盤！
肯薩斯夠穩定炒起地震

同日仲有另一場美職直播賽事，肯薩斯體育會主場對聖荷西地震，肯薩斯體育會今季一直保持穩定嘅表現，好多波應贏則贏，最近3場亦全勝，今場面對作客4連敗嘅地震，要贏兩球或以上並非難事，捧讓球主勝！

（TVB 302周四早上8時30分直播）