修咸頓搵真銀讓主捧得過

猪拉多纳

英超球隊修咸頓開季表現麻麻，但阿謙覺得佢哋似乎係想專心踢好歐霸盃，所以聯賽先患得患失。「聖人」今晚喺歐霸盃外圍賽附加賽首回合主場對丹麥超球隊米迪蘭特，相信會重演上圈大勝荷甲球隊維迪斯一幕，阿謙捧讓球主勝。（周五凌晨3時開賽）
專注歐霸令聯賽分心

修咸頓上仗聯賽主場以0比3輸畀愛華頓，表現令球迷非常失望，阿謙當晚有睇直播，覺得「聖人」一班球員踢落有啲顧忌，相信係唔想受傷影響今晚歐霸盃嘅上陣機會。修咸頓計過條數，如果殺入歐霸盃分組賽，電視直播及獎金收入對球隊財政實有幫助，唔排除佢哋先專注歐霸。「聖人」雖有佐迪卡斯、科連加度斯、賴恩貝特蘭及費沙科士打等傷兵，但球隊仍有加斯安奴柏利、沙恩朗及沙迪奧文尼負責攻堅，上圈面對荷甲球隊維迪斯兩回合大炒對手5球，今仗面對丹麥超球隊米迪蘭特，相信仍然夠殺。

米迪蘭特目前排丹麥超榜首，自新教練杜魯比上任後戰績唔錯，但佢哋早前喺歐聯第3圈外圍賽因作客入球唔及對手被淘汰，轉戰歐霸盃附加賽即遇上矢志打入歐霸盃分組賽嘅修咸頓，今仗相信都係凶多吉少，阿謙睇好「聖人」喺主場可輕取對手，捧讓球主勝。