拜仁1.65倍「讓客」有得芬

猪拉多纳

俗語話「天下武功，唯快不破！」拜仁近年喺各項賽事攞到好成績，一對快翼洛賓、列貝利功不可沒。雖然佢哋傷患不斷，但好在新加盟嘅杜格拉斯哥斯達表現對辦，今晚拜仁作客賀芬咸隨時又以快打慢大勝一場，1.65倍「讓客」咪嫌熱。（now672台、有線61及201周六晚9:30直播）
賀芬咸狀態唔掂

拜仁新星杜格拉斯哥斯達，上仗鬥漢堡前後5次高速突破扭過對手，貢獻一傳一射大放光芒，賽後主帥哥迪奧拿大讚佢有條件名列世界5大翼鋒，家陣佢趁住列貝利養傷，梗係要踢多幾場好波鞏固正選位置啦。雖然德國《圖片報》賽前報道話中堅丹迪好可能轉投利華古遜，不過拜仁後防仲有謝路美保定、貝拿迪亞候命，未驚過啦！

對家賀芬咸早排喺德國盃第1圈畀乙組仔1860慕尼黑踢出局，上場造訪利華古遜又先勝後敗，士氣同狀態咁曳，對住全德甲最惡嘅拜仁，睇怕想輸少粒都難！