「蜜蜂兵」弗爆「大」有睇頭

猪拉多纳

多蒙特「鋒」狂回歸！多蒙特今季改由新帥杜曹執掌後，重拾過去狂攻氣勢。呢鋪佢哋作客恩高斯達特，就算係對手史上首場德甲主場處子戰，都一樣冇面畀，撐1.67倍入球大。（now670台、有線61、64、201、203台周日晚9:30直播）

「蜜蜂兵團」經歷上季低潮後，今季全面回勇。聯賽首戰即大數慕遜加柏4:0，上仗踢歐霸盃就算先失3球，都可以連追4球反勝對手，足見一眾「蜜蜂射手」着晒火。當中中場米希達利恩直頭翻生一樣，喺各項賽事總共轟入7球，腳風順到無倫，呢次乘勇造訪恩高斯達特隨時再開殺戒。
恩高斯達特主場唔會縮

至於對手恩高斯達特，今次既然係佢哋首戰喺自己地頭踢德甲，梗係會搏盡入番粒氹吓球迷開心，唔使驚佢哋會縮响後邊，睇怕一場入球騷點都走唔甩咯。