射手離隊 主將停賽 學生隊受讓都咪制

猪拉多纳

學生隊聽朝喺阿甲主場對河床，受讓平半都博唔過，因為依家放緊暑假未開學？唔係，其實係佢哋嘅射手古度卡里路轉會摩納哥後火力大降，兼且有中場主將祖安文奴停賽至真，加上學生隊近3次主場對河床輸2次，唔值得睇高！
河床養精蓄銳

河床喺日本打沉大阪飛腳後，上周主場以0:1輸波，可謂留力留出禍，但上場休息嘅主將洛迪高莫拿同維奧迪斯，相信會踢番正選，佢哋要爭冠軍嘅話，形勢上冇得再失分，戰意鮮明抵捧。