中央陸軍搶韁勒唔亭

猪拉多纳

歐聯附加賽次回合，莫斯科中央陸軍返回主場鬥士砵亭，「俄超一哥」中央陸軍首回合輸1比2，慶幸獲得1粒作客入球，晉級機會仍樂觀，球隊擁有杜姆比亞、阿密特穆沙、迪沙高耶夫、蘇蘭托錫等高質進攻球員，有力收復失地。士砵亭近14場歐洲賽作客只有4和10負，遠赴俄羅斯比賽，形勢更加危，中央陸軍小讓平半，上盤抵玩。

（有線62及202台周四凌晨2時45分直播）

中央陸軍首回合表現並唔差，如非杜姆比亞射失1球12碼，可能唔使輸。不過呢位科特迪瓦國腳其後取得重要作客入球，總算將功補過，其實杜姆比亞只係剛從羅馬回巢兩星期，預料演出會愈來愈好。加上阿密特穆沙、迪沙高耶夫、蘇蘭托錫、尼曹近期亦輪流發威入波，要入番1球並唔難。
士砵亭歐戰作客勁曳

士砵亭首回合踢到82分鐘，先至靠施利文尼攻入致勝一球，贏得好驚險。今仗前景唔樂觀，因為呢支葡超球隊近14場歐洲賽作客未贏過，僅得4和10負，換言之輸波率超過七成。咁都不特止，原來今季來投嘅新教練佐治捷西斯，以往3次帶前球會賓菲加作客俄羅斯，全敗而回，重遊傷心地，恐怕插翼難飛。