伐木者白帽打孖上

猪拉多纳

明早有兩場美職賽事，當中波特蘭伐木者主場對肯薩斯體育會，肯軍3連敗之餘，仲有多位球員分別因傷同代表國家隊出戰，無緣今場比賽，令球隊雪上加霜。伐木者近8場主場取得6勝2和，走勢相當凌厲，主W仲有1.77倍，值得一試。

（TVB 302周四早上10時30分直播）

波特蘭伐木者有後衞列治維及中場迪亞高查拉停賽，但中場兩位阿根廷球員華拿里及加斯頓費南迪斯質素有保證。射手費蘭度亞迪狀態亦弗，今季已有10球進帳。最重要係球隊主場成績穩定，近8次主場贏咗6場，水準可靠。
肯薩斯急流兩軍唔齊腳

肯薩斯體育會近期走晒樣，已連輸3場，雪上加霜係今仗陣容不整，後衞伊基奧柏拉、中場羅拔艾斯賓路沙養傷，守將馬素迪莊、馬特比斯拿及次席射手基斯頓尼美夫為國家隊比賽，仍未歸隊，更加無力翻身。

另一場美職，溫哥華白帽主場對科羅拉多急流，急流雖然3連勝，但兩位前英超球星奇雲杜里及美羅費古羅亞要為國効力，今場要缺陣，實力難免大打折扣。白帽主場3連勝更值得信賴，主W1.54倍熱爆，可見備受莊家睇好，甚至可博埋白帽讓半一上盤。

（TVB 301周四早上10時直播）