史浩克緬恩斯駁火

猪拉多纳

德甲尾場史浩克04主場迎戰緬恩斯，史浩克近期的確有啲煩，上輪聯賽畀禾夫斯堡炒三粒之外，仲畀對手撬走埋中場領袖達斯拿，不過佢哋陣中仍然有充裕有分量攻擊手，今晚迎戰中型球隊緬恩斯必圖振作；緬恩斯狀態當銳，新加盟嘅日本天王武藤嘉紀上仗梅開二度迅即紅遍德甲，今晚到訪史浩克唔會坐以待斃，預期係對攻格局，大盤有1.7倍已經博得過。

（now 670、有線61及64台周日晚11時30分直播）

史浩克上輪畀禾夫斯堡KO，最大原因除咗對手級數高，防線輸晒畀對手係另一主因，佢哋後防本身已經唔穩陣，加上仲有賀維迪斯、拿斯達錫同內田篤人等主力缺陣，最後輸三粒都冇計，雖然隊長賀維迪斯已復操，不過仲未夠弗預期今晚只能先任後備，防線依然弱，好在前線迪山度同亨特拉爾夠級數，中場創造力亦足，遇上次一皮對手要入波問題唔大。

緬恩斯近期兩連勝勢銳，上仗大炒漢諾威，日本新星武藤嘉紀大爆發成為最佳球員，今場強勢作客史浩克既有信心又冇壓力，大盤值得捧場。