切爾達「讓主」依「斯」執

猪拉多纳

切爾達喺西甲頭兩輪全勝攞晒6分，依家排喺積分榜前列，認真叻仔！佢哋踢埋今晚主場鬥升班球隊拉斯彭馬斯場波，嚟緊就會連場硬仗，梗係希望擸埋呢3分打好個底啦，2.2倍嘅「讓主」撐得過。

（now632台周一凌晨0:15直播）
拉斯彭馬斯仲食緊白果

切爾達開季連贏利雲特、華歷簡奴表現唔錯，今場鬥完拉斯彭馬斯之後，好日子過完嘅佢哋就要連續硬撼西維爾、巴塞隆拿，兩場波想執1分都難，所以今場唔趁機搶多3分就勢係假！射手洛尼圖上場一開齋就打孖上腳風正順，今場有佢擔正攻堅，切爾達要贏兩、三球唔係難事。

客軍拉斯彭馬斯開季兩戰得1和1負，雖然開鑼戰對馬體會都係僅輸0:1唔算太失禮，但問題係呢班波踢完兩場都仲食緊白果，火力明顯唔夠喺西甲搵食，今場對住狀態大勇嘅切爾達，顧得開齋嚟又好難保得住後防不失，好易兩頭唔到岸，點睇都唔似有本錢搶分囉！