西維爾搶韁撐半場勝

猪拉多纳

兩支喺聯賽仲未「開齋」嘅球隊喺歐聯分組賽碰頭，D組西甲嘅西維爾會喺主場迎戰德甲嘅慕遜加柏。西維爾開季至今錄得2和1負，但整體表現表現未算太差。相反慕遜加柏4連敗曳得多，今仗仲要舟車勞頓遠征西班牙，阿謙估計西維爾半場已經可以「KO」對手，直取半場勝。

（周三凌晨2時45分開賽）

西維爾開季表現一般，球隊似乎係受到西超盃鬥巴塞同熱身賽對羅馬嘅影響，搞到開咧後嘅表現麻麻。不過，西維爾喺主場面對當時狀態甚弗嘅馬體會先慘吞3蛋，作客面對馬拉加同利雲特都同對手打和，今仗主場出擊就算有中堅阿爾拉米喺操練整親要抖6個禮拜而踢唔到，相信都有望贏到波。

慕遜加柏喺德甲開季連輸4場表現令人失望，而且只係入得2球失咗11球，佢哋上仗主場面對連續兩季要踢附加賽先留到喺德甲嘅漢堡，竟然淨吞對手3蛋，球隊無論士氣同狀態都蕩然無存，相信都係凶多吉少，一於捧西維爾半場就「搞掂」慕遜加柏。