馬體會半場搞掂

猪拉多纳

王子歸位 踢到曉菲

王子費蘭度托利斯自上季中重返馬德里體育會，經過半季嘅磨合，同隊友嘅默契已漸漸建立，今季一開季就嚟料，上仗更貢獻一傳一射助球隊贏波，狀態返晒嚟，今晚西甲快車馬體會主場對基達菲進行「小馬德里打吡」，過往「王子」喺基達菲身上經常取得入波，配合埋另一弗爆射手基沙文，相信要半場KO基達菲唔難，揀半場勝。

（now632周三凌晨2時直播）
拍基沙文 入波冇難度

費蘭度托利斯返回西甲之後找回自己，雖然速度未必去番巔峰時間咁超卓，但喺前線嘅觸覺仍然敏銳，上場聯賽對伊巴，佢一傳一射幫助球會贏波盡顯功架，入嘅一球仲係佢為馬體會第100球，加上得到教練兼舊隊友施蒙尼信任，「王子」不再係車路士及AC米蘭嘅水貨「廢托」，而係重生變番馬體會真真正正嘅王子。

王子及時翻生，今場對基達菲更加要捧馬體會場，睇番近5次「小馬德里打吡」，費蘭度托利斯其中3次有波入，合共轟入4球，基達菲可以話係王子嘅「私房菜」。除咗托利斯，球隊另一前鋒基沙文亦都態勇，上周中歐聯作客加拉塔沙雷，喺地獄球場都可以梅開二度，證明真係弗爆，事實上，基沙文係上季馬體會陣中聯賽神射手，為球隊射入22球，佢同費蘭度托利斯齊齊落場，士哥肯定停不了。
往績支持 炒起基達菲

基達菲多年嚟都係馬德里市嘅細佬，冇乜能力威脅皇馬同馬體會，近年作客馬體會都係輸波而回，仲要係場場食蛋，近6次作客卡達朗球場累積失咗19球兼未入過一粒，而且全部係半場就已落後。睇番費托對住基達菲嘅入波統計，有兩場都係一開波2至3分鐘就攻破基達菲大門，呢場波唔好等走地啦！早早買定個半場主勝，睇住形勢「即場投X」再追「下一隊入球」同大，熱就可能熱啲，但隨時有機會連收幾注，山大斬埋有柴呀！