阿仙奴倫敦打吡防熱倒

猪拉多纳

英格蘭聯賽盃第3圈即有重頭戲，上演北倫敦打吡，熱刺主場對阿仙奴。兵工廠流年不利，連番見「紅」，搞到歐聯同英超都輸波，球隊連續兩場大戰以寡敵眾之下，令一眾「槍手」疲於奔命，今仗又要作客，鐵人都頂唔順啦，讓唔起有當弗射手孫興民助陣嘅熱刺，捧讓球主勝。

（周四凌晨2時45分開賽）
兩將停賽唔夠人輪換

阿仙奴近期陷入地獄賽程，繼歐聯遠赴克羅地亞鬥薩格勒布戴拿模後，上仗英超又作客車路士，兩場波都有球員被逐。特別係上仗後衞基比爾包列斯達，以及中場辛迪卡索拉都攞紅牌，今場一齊停賽，領隊雲格手上人腳捉襟見肘，想採用輪換制，都難以實行。如果再靠同一班正選搏殺，恐怕佢哋回唔切氣，兵工廠依家可謂進退失據，前路難行。
熱刺新貴孫興民弗爆

至於熱刺雖然射手哈利卡尼陷入入球荒，但新簽南韓國腳孫興民大勇，繼歐霸盃梅開二度後，上仗英超又射入致勝一球，風頭一時無兩，勢必為阿仙奴防線構成重大壓力。同埋熱刺近4次主場對阿仙奴，取得3勝1負，往績佔上風，受讓抵玩。