貝迪斯殘陣難收「科」

猪拉多纳

貝迪斯喺周四西甲獨腳戲，主場擺陣迎戰拉科魯尼亞。貝迪斯今場有右翼柏路斯波監刑滿復出，但後防祖安華加斯等人要養傷，人腳唔齊鬥拉科，真係信佢哋唔過。今場拉科受讓平半，1.95倍「下盤」玩得過！

（now632台周五凌晨4:05直播）
拉科鋒將腳風順

貝迪斯巴西右翼柏路斯今場可以披甲候命，但係佢哋都有傷兵問題。中場迪迪亞迪加特9月頭傷到依家都未好番，上周又有基斯坦奴比斯尼同後防祖安華加斯齊齊受傷，今場9成唔會見到佢哋。貝迪斯主力買少見少，陣容不整對拉科難有作為。

拉科上場雖然不敵希杭，但係佢哋勝在冇乜主力受傷，今場可以強陣鬥貝迪斯。而且中前場路爾斯阿拔圖同桑法蘭富亞迪斯，近兩場腳風都好順，齊齊有士哥。對住人腳唔齊嘅貝迪斯，拉科絕對有力擸晒3分。