多蒙特[-2]照炒達斯泰特

猪拉多纳

講起德甲前鋒，大家呢排最大印象肯定係拜仁前鋒羅拔利雲度夫斯基喺上仗五福臨門，但查實多蒙特射手奧巴美揚表現都唔差，佢喺上仗作客逼和賀芬咸1:1又再士哥，成為德甲史上首位前6輪都有入波嘅球員。腳風咁順又點可以畀佢停？今晚「蜜蜂軍團」主場出戰達斯泰特，就算讓到2球都冇有怕，繼續捧1.93倍「讓主」！

（now670台、有線61、64、201及203周日晚11:30直播）
奧巴美揚爭入波破紀錄

同樣都係改寫德甲新紀錄，不過就冇乜人提自己嘅「德甲6輪連發」，你話奧巴美揚條氣點會順先？再者，佢睇見「羅拔仔」只係憑住下半場上陣9分鐘發威，就即刻喺德甲射手榜，仲以1球之差反壓自己升上首位，今仗佢打死都要繼續數胡啦。既然達斯泰特早前場鬥拜仁都要輸0:3，呢次作客多蒙特捧多次蛋有乜咁出奇！