加拉歐戰經驗足圍攻艾斯坦拿

猪拉多纳

哈薩克球隊艾斯坦拿今晚會喺主場恭候土耳其惡霸加拉塔沙雷，兩隊喺C組首輪分組賽都輸波，但加拉塔沙雷始終高艾斯坦拿幾班，以普多斯基為首嘅鋒線有力撕破艾斯坦拿防線，作客小讓平半梗係捧2.1倍上盤。

（有線61、64、201及203周四凌晨0:00直播）
普多斯基腳風順

艾斯坦拿既係歐聯新丁，板櫈深度同實力肯定冇得同一眾歐聯常客揮，上輪分組賽作客輸畀賓菲加之後，打落3場本土賽事都贏唔到，擺到明回唔切氣喎！今晚主場出擊仲要有前鋒迪禾馬斯坐波監添，橫睇掂睇都唔似偷到加拉塔沙雷雞。

加拉塔沙雷上輪分組賽不敵馬德里體育會，但呢支土超班霸爛船都有三分釘，對住同組最削嗰隊艾斯坦拿，仲唔係時候起筷咩！陣中嘅德國前鋒普多斯基近況唔錯，球隊近兩場聯賽亦都贏波，加埋喀麥隆守將捷祖傷愈可望候命，有前又有後，係時候敲響分組賽勝鼓，小讓平半梗係信得過啦！