出線情勢最亂意大利殘陣吼細

猪拉多纳

H組三雄鼎立，意大利、挪威同克羅地亞仲未知邊隊取得直接出線資格，有機要鬥到最後一輪。今晚三隊波分途出擊，榜首意大利作客阿塞拜疆，如果佢哋贏波而挪威失分，就可率先以首名攞到決賽周入場券。不過意軍爆傷兵潮，中場莫達同恩斯治尼，前鋒杜文尼高貝拉迪及奧斯華度因傷退隊，中場迪羅斯停賽，今仗未必會踢得主動。阿塞拜疆近4仗歐國外攞到1勝3和，今仗面對近期少波入嘅意大利，隨時令對手老鼠拉龜冇碇埋手，推介細盤。

（有線64及203台周日凌晨零時直播）
挪威靠神童-2照追

同組第2嘅挪威主場迎戰馬爾他，挪威有皇馬「神童」馬田奧迪加特及諾域治中場堤迪等球員，有望大炒只有3名外流球員在陣嘅馬爾他，讓球主客和挪威讓到兩球都冇有怕，捧讓球主勝。

（周日凌晨零時開賽）

而第3嘅克羅地亞主場迎戰第4嘅保加利亞，後者仍有機會爭取第3名踢附加賽，但要喺餘下兩場贏晒之餘，仲要望克羅地亞輸晒，難度十分高。克軍上月炒咗主帥尼高高華，改由經驗豐富嘅卡錫領軍，今仗雖有奧歷坐波監及文迪蘇傑唔出得，但保加利亞亦有戴耶高夫同米簡斯基要停賽，揀番克羅地亞讓球主勝。

（周日凌晨2時45分開賽）