墨爾本城+1封殺悉尼

猪拉多纳

老鋼門蘇連遜頂得兩嘴

雖然墨爾本城並冇獲得曼城班主文梳亞大開水喉增兵，但總算簽入蘇連遜，對提升球隊實力有一定幫助。畢竟佢曾効力新特蘭、阿士東維拉、史篤城，總共長達十七年，累積豐富大賽經驗。由蘇連遜把關可增強防守力之餘，以佢嘅資歷亦可充當「場上教練」，指點隊友，對墨爾本城整體發揮都有幫助。事實上，墨爾本城近期接連於澳足盃大勝，已打入四強，球隊狀態不俗作客都未驚過。
FC悉尼開咧戰例差

反觀FC悉尼早前已喺澳足盃出局，延續季初慢熱呢個特性，佢哋近五季首輪聯賽成績相當一般，只得一勝三和一負，包括上季主場同墨爾本城打和1比1。另外兩場和波則分別同墨爾本勝利打成3比3及0比0，可見呢兩大城市球隊對壘，旗鼓相當，墨爾本城受讓梗係有着數啦。