利華恰慣意國兵大起羅馬

猪拉多纳

另一場歐聯E組賽事，利華古遜主場對羅馬，論近況利華古遜的確麻麻，但要留意利華喺歐聯附加賽正係淘汰另一支意大利首都球隊拉素，證明佢哋對意國球隊特別有計。羅馬陣容「頭重腳輕」，進攻人才濟濟，但後防弱不禁風，最好揀入球大。

（有線63台周三凌晨2時45分直播）
技術總監禾拉教過羅馬

利華連續兩場德甲失分畀下游球隊，不過佢哋踢歐聯遠比聯賽醒神，首場分組賽大炒巴迪4比1，上輪作客巴塞，直到尾段先至連失兩球，雖敗猶榮。利華古遜今仗對住羅馬，應該又係時候嚟料。另外，利華技術總監禾拉球員時代效力過羅馬，亦執教過羅馬，對呢支球隊實力瞭若指掌，應會過料畀球員殺敵。

羅馬今季簽入迪斯高、穆罕默德沙拿，攻力大為提升，不過佢哋防線令人不敢恭維，上輪歐聯作客巴迪，竟然上半場已失3球，力追之下仍以2比3落敗。睇番羅馬今季各項賽事，總共10場比賽，只有1場冇失波，羅馬今場好難保清白之身，捧大啱數。