紅軍弗爆搶攻魯賓卡山

猪拉多纳

利物浦自從新帥高普上任後，球隊表現愈見起色，上仗更作客3:1反勝車路士，可見球隊已經完成磨合。家陣「紅軍」士氣High到爆，今晚作客歐霸盃B組對手魯賓卡山，有力再威多鋪，就算佢哋讓半一都照撐2.06倍上盤。

（now670台周五凌晨2:00直播）

雖然利物浦喺B組3戰3和，好在「紅軍」連贏兩仗後已經上晒力。射手賓迪基仲連續兩鋪後備上陣都有建樹，無論拍住中場菲臘比古天奴定羅拔圖法明奴攻堅，都有望取得球隊歐霸盃首場勝仗。況且對手魯賓卡山今季3次主場出戰歐霸盃賽事，只能攻入2球，呢鋪仲要有守將古斯文停賽，攻守同樣唔掂仲點搶分？