49歲舒寧咸頂硬上

猪拉多纳

史提芬納治反得過

英足盃第1圈賽事，阿謙特別留意英乙史提芬納治主場對英甲基寧咸。史提芬納治傷兵滿營，搞到主帥舒寧咸都要註冊做番球員，今仗隨時落場搏殺，而且佢哋近況認真麻麻，今仗越級挑戰對住排英甲第3嘅基寧咸，就算有主場之利都難有作為，阿謙捧作客嘅基寧咸贏波。

（周六晚上11時開賽）

前熱刺射手舒寧咸喺2008年退役，到今年正式接手執教史提芬納治，但球隊表現麻麻，現時排英乙第20位深受降班威脅。史提芬納治近日出現多名傷兵，再加上中場東治同占美麥甘比喺上場聯賽領紅牌要停賽，喺兵源短缺下搞到舒寧咸同助教奇雲屈臣都要註冊隨時上陣，佢哋兩個喺周中嘅Herts Senior Cup都冇上陣，似乎留力今晚砌基寧咸。
基寧咸質素秤先

基寧咸現時排喺英甲第3，球隊上場作客2比3反輸畀華素爾，連續8場不敗正式告終，但表現其實唔算差，只係完場前失守先落敗。基寧咸今仗有中場戴克同祖舒胡禮停賽踢唔到，而前鋒羅里斯同守將奧哈利查有傷唔踢得，但球隊實力及狀態畢竟秤先，始終史提芬納治近8仗只係贏過1場咁大把，狀態明顯唔弗，阿謙認為基寧咸就算作客都有力贏波，推介客Ｗ。