終極決戰不利翻身 飛腳砌三箭係咁「大」

猪拉多纳

除非有奇迹，否則今日上演嘅日職季後賽總決賽次回合，大阪飛腳即使擺出超攻擊陣，恐怕都好難反勝主場嘅廣島三箭，扭轉首回合落後2:3嘅劣勢，冠軍基本冇行，1.73倍入球大反而值博。

（有線61、201、148周六晚6:30直播）

由於首回合主場輸2:3，失咗兩個作客入球，飛腳今日起碼要贏廣島兩球至翻到身，所以被迫排個雙箭頭超攻擊陣，連兩閘都用出擊力強嘅藤春廣輝、米倉恒貴，明顯要同對手死過。可惜吖！飛腳個後衞吳宰碩要坐波監，防守打咗折扣，而且以往日本呢類兩回合爭霸場合，首回合Win出嗰隊，八、九成機會响次回合捧盃，飛腳似乎都係咁「大」咯！